KANA DA SAURAN LOKACI :
Ya kuke gani idan da rayuwar mu tana gudana ne kan zaren kaset?.
Yadda za'a iyayin tariya a koma baya.
Na san wasu zasu ce sam! Basa kaunar a koma baya, saboda yanzu sun samu dukiya da yaya, wasu saboda wani mataki na ilimi da suka riga suka taka wanda komawa bayan na nuna ci bayan su, watakila wasu saboda sun lashe zabe ko wata ni'imar rayuwa da suka samu.
Wasu kuma amincewa zasuyi a koma bayan, watakil saboda rashin masoyan su da sukayi, ko saboda karayar arziki da ta riske su, ko don wani Kuskure da suka tafka wanda komawa bayan suna ganin zai basu damar gyarawa.
Ko wani alheri da suka manta ba suyi ba.
Amma kash! Ko a so a koma ko kada a so ba za'a koman ba, abunda ya wuce ya wuce kenan.
Kamar haka abun zai kasance a lokacin da mala'ikan mutuwa ya ziyarce mu, wadan da suka kyautata ayyukan su zasu dokanta a zare rayukan su don fara dandanar danshin aljanna tun daga rayuwar barzahu.
Wadanda kuma suka shuka abun tsiya idan suka ga tabbas girbar shi ta zo, zasu so ne a koma baya a kara musu wata dama don gyarawa, suma su shuka abun alheri amma inaaa! Sun makaro ba baya sai gaba, an riga an taskance ayyukan su a littattafan su ba gogewa kuma.
Ya ALLAH Ka gafarta mana, Ka bamu ikon aikata kyawawan ayyukan a nan duniya Ka mana afuwa ranar gobe.
xem phim sex online
tải phim sex 3gp
phim sex trực tuyến